الحريرة الوهرانية
المقادير:
لحم أو دجاج حسب الرغبة
2ملاعق كبيرة زيت
حبة بصل كبيرة
2 حبات طماطم
2 جزر
2ثوم
ملعقة طماطم مصبرة
قصبر،كرافس
ملعقة صغيرة فلفل أسود،زنجبيل،فلفل عكري،راس الحانوت،ونصف كروية
ملح
مرمز أو فريك
طريقة التحضير:
في قدر نحط الزيت يسخن منبعد نزيد اللحم ونخليه يتقلى حتان يتحمر نزيد عليه حبة بصل ونخليهم يتقلاو ونزيد طماطم وتاني نخليهم يتقلاو ونزيد الجزر والثوم ونخليهم يتقلاو ونزيد مغرف طماطم مصبرة و القصبر والكرافس ونزيد (فلفل أسود ،زنجبيل ،فلفل عكري،راس الحانوت،الكروية)+ملح ونخلطهم ونخليهم كامل يتقلاو مع بعض مليح
ملاحظة : كل مانزيد مكون لازم نخليه يتقلا شوي ونزيد لموراه وهكذا ..
منبعد نمرق بالماء السخون ونزيد المرمز ولا الفريك بعد منغسلوه مليح ونقطروه من الماء ونديرها علا النار ونخليها حتان يطيب اللحم مليح مليح،بعدما تطيب نحي هذاك اللحم علا جيه ونمكسي الحريرة بالمكسور ولا الرحيوة نتاع الخضرة منبعد نفتت اللحم ونرجعو للقدرة نزيد نرپيلها فص ثوم صغير ونزيدلها نص مغرف صغيرة راس الحانوت ونصف كروية وشوية قصبر ونخليها تغلي وحد 3 دقائق ونطفي عليها
اترك تعليقا: