فارس شقيق سيرين ميلاد في برنامج #فكرة_سامي_الفهري
"حرقت مرتين المرة الاولى رجعت ساعة عومان واللي كملوا تقلب بيهم الشقف ... عمري 20 سنة حلاق خدمة باهية... جربت الحرقة مرتين وماسهلش ربي حبيت نحرق باش نضمن مستقبلي ، لهنا مستقبل مجهول ونحب نعيش عيشة أفضل من هكا احنا الحمد لله مانقصين شيء نخدم على روحي وهي واقفة معايا تبقينا حبينا نبدلو العقلية و نعيش عيشة أخرى كيما اي شاب بصنعتي جوي باهي... انا ماوصلت روحي للبحر و ماوصلت ريسكيت كان ماضامن كل شيء ضامن لعباد غاديكة ضامن الخدمة... جيلي الكل حرقو ...حرقت المرة الأولى عمناول عمري 19 سنة تلمدنا الكل خرجنا من سيدي منصور مشينا حكاية ساعة حتى لقرقنة ما خلطنهاش كي نخزر في وسط الشقف نلقى الماء برشا قلتلهم باش نرجع رجعوني مانحبش نريسكي مانحبش عيلتي تتشوى عليا ... كي تكلمت انا فما 3 كانو خايفين تكلمو معايا قالو كيفاش نرجعو وهو بالنسبة للعباد الي تمشي أكثر تكمل ما ترجعش والا تموت ، أنا كي جيت نحسب فيها نرجع ساعة كاملة عومان ولا نشوي دارنا مدى الحياة على خاطر عارف الشقفة ماتوصلش وبالفعل غدوة سمعنا عليهم الي هوما بعد قرقنة بساعتين تقلب بيهم للشقف اقسم بالله"
اترك تعليقا: